Drenica News

Lajmet e fundit nga rajoni dhe bota!

Lajme

Ambasadori amerikan reagon për punimet në rrugën Deçan-Plavë, kërkon të respektohet vendimi i Gjykatës

Ambasadori i SHBA-së në Prishtinë, Philip Kosnett, ka thënë se zgjidhja për ndërtimin e rrugës që lidh Deçanin me Plavën duhet të gjendet brenda kornizave të cilat janë në përputhje të vendimit të Gjykatës lidhur me kontestin pronësor në mes të Komunës së Deçanit dhe Manastirit.


Kosnett ka thënë se takimi i sotëm në mes të kryeministrit Hoti dhe kreut të Komunës së Deçanit, Bashkim Ramosaj është një hap që çon në drejtimin e duhur.

Sipas ambasadorit amerikan, ndërtimi i rrugës Deçan-Plavë ka të bëjë me respektimin e vendimeve të gjykatës, ruajtjen e të drejtave për praktikim të lirë të besimit dhe të jetuarit në paqe me fqinjët.

“Ndërtimi i rrugës Decan-Plavë është shumë më shumë se sa thjeshtë pronë dhe çasje në të. Ka të bëj me respektimin e vendimeve të gjykatës, respektimin dhe ruajtjen e të drejtave për praktikimin e besimit dhe jetesën në paqe me fqinjët duke vlerësuar trashëgiminë dhe kulturën e shumë llojshme që ka Kosova.

Bashkëpunimi dhe përkushtimit për të gjetur zgjidhje që janë në përputhje me vendimin e gjykatës është mënyra e vetme që çon drejt një epilogu të duhur.

Takimi i kryeministrit me Ramosajn është hap në drejtimin e duhur”, ka shkruar Kosnett.

Comment here