Drenica News

Lajmet e fundit nga rajoni dhe bota!

Lajme

E çuditshme: Brenda ditës qytetarja del pozitive në një laborator dhe negative në një tjetër

Laboratoret për testime të koronavirusit janë bërë temë e rëndësishme në javët e fundit – për shkak të çmimit të shtrenjtë të këtyre testimeve, por edhe për shkak të rezultateve të dyshimta. Së fundi, një qytetare për një ditë ka marrë dy rezultate të kundërta në dy laboratore të Kosovës.


Ministria e Shëndetësisë tash e tri javë ka licencuar 29 institucione shëndetësore private për të kryer teste serologjike dhe teste me metodën PCR për COVID-19, sëmundjen që e shkakton koronavirusi i ri.

525 njerëz kanë vdekur në vend nga 13 marsi e deri më sot, 31 gusht. Ndërkohë që deri tash janë diagnostikuar më shumë se 13 mijë njerëz me këtë sëmundje.

Por, tashmë temë e rëndësishme publike është bërë ajo e laboratoreve.

Një qytetare e Kosovës, nga Prishtina, ka kryer gjatë ditës së sotme testime për Covid-19 në dy laboratore për t’u siguruar për gjendjen e saj shëndetësore, raporton Periskopi.

Mirëpo, dy rezultatet e marra nga këto dy laboratore e kanë lënë krejtësisht konfuze.

Në njërin test të kryer në Tirana Lab ajo ka marrë rezultat negativ.

Por në Poliklinikën EndoMedica ajo ka marrë rezultat pozitiv.

Comment here