Drenica News

Lajmet e fundit nga rajoni dhe bota!

Lajme

Faza e parë e vitit shkollor nis më 14 shtator, kurse e dyta më 21

Ministria e Arsimit dhe Shkencës ka bërë përgatitjet për fillimin e vitit të ri shkollor 2020/2021.


Por pavarësisht përgatitjeve, MASH është në pritje të rekomandimeve nga Instituti Kombëtar i Shëndetit Publik dhe Ministria e Shëndetësisë që të nxjerrin vendimin për fillimin e vitit të ri shkollor. Kështu deklaroi sot ministri i Arsimit, Ramë Likaj.

Fillimi i vitit të ri shkollor është paraparë të nis më 14 shtator, dhe MASH-i ka planifikuar të fillojë me dy faza.

Kështu ka bërë të ditur për Telegrafin, Enver Osdautaj këshilltari i ministrit Ramë Likaj.

“Ministria ka bërë të gjitha përgatitjet e nevojshme për fillimin e vitit të ri shkollor 2020/2021 më datë 14 shtator. Mësimi kemi planifikuar ta fillojmë me dy faza. Faza e parë fillon më 14 shtator kurse e dyta fillon më 21 shtator”, ka thënë Osdautaj, duke shtuar se të gjitha specifikat do të bëhen publike në vendim.

Osdautaj ka bërë të ditur se sot do të zhvillojnë një takim me drejtorët e Drejtorive Komunale të Arsimit.

“Sot kemi takim me drejtorët e DKA-ve dhe së bashku do të përcaktohemi edhe për fazat dhe për përballje me sfidat që na presin shkaku i pandemisë”, u shpreh Osdautaj.

Këshilltari i ministrit Likaj, më tej theksoi se prioritet i ministrisë është shëndeti i nxënësve, mësimdhënësve dhe të gjithë personelit që punojnë në institucionet edukativo-arsimore

Ndryshe, tashmë ka filluar edhe testimi për COVID-19 i 1500 mësimdhënësve për të parë gjendjen e tyre shëndetësore.

Telegrafi ka provuar të marrë edhe një deklaratë nga drejtori i IKSHPK-së, Naser Ramadani për të parë se cili do të jetë rekomandimi i IKSHPK-së për Ministrinë e Arsimit lidhur me fillimin e vitit të ri shkollor, por kontakti me të ka qenë i pamundur.

Ministria e Arsimit dhe Shkencës më 27 gusht, mori vendim që mësimi në Kosovë të fillojë më 14 shtator, për të vazhduar pastaj me fazat e parapara sipas ministrisë

Comment here