Drenica News

Lajmet e fundit nga rajoni dhe bota!

Lajme

Kolona të gjata në Merdare: Pritje deri në 4 orë për ta lëshuar Kosovën

Bashkatdhetarët tanë, të cilët po kthehen në shtetet e Europës Perëndimore,  janë duke pritur mbi 4 orë në Merdare për ta lëshuar Kosovën, shkruan Gazeta Metro. 


Raportet e fundit nga Qendra Kombëtare për Menaxhim Kufitar (QKMK) tregojnë se pritjet më të gjata në dalje të Kosovës janë në pikën kufitare në Merdare.

Bashkatdhetarët tanë janë duke pritur deri në 4 orë në vendkalimin kufitar në Merdare për të hyrë në Serbi, kurse kolona e automjete ka arritur deri 900 metra.

Në pikat tjera kufitare gjendja është e qetë, derisa në Vërmicë pritjet për të hyrë në Kosovë janë deri 20 minuta, ndërsa për në dalje pritjet janë nga 3 deri në 5 minuta.

Te Dheu i Bardhë pritjet për të hyrë janë poashtu 3 deri në 5 minuta, ndërsa për ta lëshuar Kosovën duhet pritur deri në 10 minuta, raporton Gazeta Metro.

Qendra Kombëtare për Menaxhim Kufitar, gjithashtu bën të ditur se në pikat kufitare Kullë dhe Hani i Elezit në dalje të tyre, kërkohet testi për COVID-19.

Qytetarët mund të përcjellin në kohë reale gjendjen në vendkalimet kufitare, duke klikuar /

Comment here