Drenica News

Lajmet e fundit nga rajoni dhe bota!

Lajme

Nënkryetari i LDK’së për Vjosa Osmanin: Udha e mbarë i qoftë, ne nuk e kthejmë prapa

Nënkryetari i Lidhjes Demokratike të Kosovës, Haki Rugova, po thotë se partisë mund t’i bëjë hair largimi i Vjosa Osmanit. Kryetari i Istogut thotë se kjo është zgjedhje e vetë Osmanit, por nëse do të shkojë, “udha e mbarë i qoftë”


Këto deklarata të Rugovës vijnë pasi Osmani gjatë ditës së sotme tha se me LDK’në ka përfunduar gjithçka, dhe la të hapur mundësinë e bashkëpunimin e kryetarin e VV’së, Albin Kurtin.

Rugova ka deklaruar për Express se Osmani ka rënë ndesh me vendimet e organeve të LDK’së, prandaj edhe është shkarkuar nga pozitat udhëheqëse që mbante në part

“Ajo është larguar nga postet udhëheqëse në parti, pasi ka ra ndesh me vendimet e organeve të LDK’së, qoftë me Këshillin apo Kryesinë e partisë. Bazuar në statutin e partisë, kjo është arsyeja e largimit të saj nga pozitat që ka pasur. Ne të gjithë i kemi mendimet tona, por kur merren vendime me shumicë votash duhet të respektohen, ajo nuk i ka respektuar”, ka deklaruar Rugova.

E për mundësinë  bashkëpunimit të Osmanit me ndonjë parti tjetër, apo formimin e një partie të re, Rugova tha se nëse ky është vullneti i saj, “udha e mbarë i qoftë”.

“Unë besoj se i bën hair, nëse është vullneti i saj, udha e mbarë i qoftë. Ne mbrapa nuk e kthejmë”, ka deklaruar nënkryetari i LDK’së.

Kryetarja e Kuvendit të Kosovës, Vjosa Osmani, sot ka deklaruar se është shumë vonë për partinë e Isa Mustafës të kërkojë më mbështetje nga ajo në rast të zgjedhjeve të parakohshme.

“Natyrisht që po, përgjigja konkrete e saj është vendimi i tyre i 20 qershorit për t’më përjashtuar. Aty ka përfunduar gjithçka”, tha ajo.

Osmani ka përmendur edhe mundësinë e bashkëpunimin me të parin e VV’së, Albin Kurtin.

Ajo tha se ky bashkëpunim do të konkretizohet më vonë.

“Ne jemi në kontakt dhe bisedojmë për tema të ndryshme të bashkëpunimit, e se si do të konkretizohet ky bashkëpunim në të ardhmen do t’iu njoftojnë në momentin që do të konkretizohet”, tha Osmani.

Vjosa Osmani është shkarkuar nga pozita si nënkryetare e LDK’së dhe anëtare e Këshillit të Përgjithshëm, më 20 qershor të këtij viti

Kryesia e LDK’së kishte deklaruar se shkarkimi i Osmanit kishte ndodhur për shkak të mospërputhjes së qëndrimeve të saj me partinë.

Comment here