Drenica News

Lajmet e fundit nga rajoni dhe bota!

Lajme

Përveç punës në UP, 79 profesorë punojnë edhe një punë të dytë

Sipas gjetjeve të Zyrës Kombëtare të Auditimit 79 mësimdhënës në UP, mbajnë edhe një punë të dytë pa miratim të rektorit.


E për këtë shkak të njejtit rrezikojnë të suspendohen nga pozitat e tyre.

Sipas Rektoratit të Universitetit të Prishtinës ndaj të njëjtëve do të mirren masa

79 mësimdhënës në Universitetin e Prishtinës rrezikojnë të suspendohen nga pozitat e tyre.

Kjo pasi që të njëjtit veç punës së rregullt në universitetin më të madh publik, kishin punuar edhe nëpër universitete të tjera, pa leje të rektorit.

Nga Rektorati i Universitetit të Prishtinës kanë thënë që nuk kanë njohuri se për cilët mësimdhënës bëhet fjalë, por që një veprim i tilë paraqet shkelje.

Madje sipas gjetjeve të Zyrës Kombëtare të Auditimit në një rast, profesori në Fakultetin e Filologjisë së UP, ishte i angazhuar me kontratë edhe në dy institucione të tjera, për të njëjtën periudhë.

Raste të ngjashme kishte pasur edhe vitet e kaluara, e që këta mësimdhënës sipas Badivukës ishin suspenduar.

Megjithatë e njëjta thotë se menaxhmenti aktual do të përgatisë vetëm planin e veprimit, ndërsa stafi i ri i cili fillon punën më 1 tetor do të marrë masa ndaj tyre.

Comment here