Drenica News

Lajmet e fundit nga rajoni dhe bota!

Lajme

Shqipëri: Do të rikthehen në shkolla 10.000 nxënës të klasave para dhe të pesta

Nxënësit e klasave të para deri në të pestën, të cilët nuk kanë mundur të ndjekinin mësimin në distancë gjatë periudhës mars-qershor për shkak të gjendjes së koronavirusit do të rikthehen në bankat e shkollës nga 31 gushti deri më 11 shtator


Në çdo klasë më së paku  duhet të jenë 10 fëmijë në të, e ku distanca nga banka në bankë do të jetë 1.5 metra .

Gjatë këtyre ditëve do të zhvillohen 40 orë mësimore për dy javë, gjysma e orëve do të jenë për lëndën e gjuhës shqipe e gjysma tjetër për matematikën.

Sipas sondazheve të Ministrisë së Arsimit për pjesëmarrjen e nxënësve në procesin mësimor online me mbylljen e institucioneve arsimore rezultoi që afërsisht 10.000 fëmijë nga arsimi parauniversitar nuk ishin prezent në mësim për shkak te zonave të thella gjeografike ku jetonin apo pasi ishin pjesë e shtresave vulnerabël.

Megjithatë sërish, drejtorët e shkollave në bashkëpunim me mësuesit e arsimit fillor po hartojnë listën e nxënësve që kanë humbur orët mësimore për të llogaritur shkollat që duhet të hapin dyert për dy javë.

Më tej do të caktohet stafi pedagogjik që do të japë mësimin plotësues dhe do të njoftohen prindërit e nxënësve mbi qëllimin e këtij programi, që veç detyrimit për t’u siguruar të gjithë nxënësve të drejtën për t’u arsimuar, synon jo vetëm arritjet e nxënësve, por edhe mirëqenien emocionale të tyre për të qenë pranë mësuesve dhe shoqërisë së klasës.

Megjithatë, mësimi gjatë kësaj kohë nuk do të ketë vlerësim me notë. Ndërsa do të jenë zyrat vendore arsimore në komunikim me bashkinë që do të bëjnë dhe dezinfektimin e ambienteve.

Si dhe do të hartohet një rregullore e thjeshtë për shmangien e grumbullimeve dhe kushteve higjiene-sanitare, që mund të shërbejë edhe për fillimin e vitit të ri shkollor më 14 shtator.

Comment here