Drenica News

Lajmet e fundit nga rajoni dhe bota!

Lajme

Vucic: Serbia humbi luftën dhe kapitulloi me 1999, takimi në Washington do ketë pasoja

Presidenti i Serbisë, Aleksandar Vucic, të shtunën tha se shqetësohet më shumë se për asnjë tjetër gjë – temat në bisedimet në Washington e Bruksel për Kosovën. Ai shtoi se nuk ka shumë arsye që serbët të jenë shumë optimist për takimin në Shtëpinë e Bardhë, transmeton Gazeta Metro.


Me gjithë shqetësimin e Vucic ai përsëri konsideron se administrata e Trump sillet ndaj Serbisë me më shumë respekt sesa presidentët e kaluar.

“Ne arritëm të kthehemi në tavolinën e bisedimeve, e kjo nuk ishte pozita në të cilën ishin në vitet e 90’ta. Ne nuk kemi asin nën mëngë, duhet të kujdesemi për të ardhmërinë e vendit, popullatën tonë në Kosovë e Metohi dhe duhet të jemi ata që gjithmonë kujdesen për të gjithë banorët e Serbisë. Është interes i yni vital të ruajmë paqen” tha Vucic.

Presidenti serb megjithatë shton se Beogradi nuk ka shumë hapësirë të jetë i kënaqur e gëzuar në bisedimet në Shtëpinë e Bardhë. Siç tha pasi ishte humbur pjesërisht lufta në vitin 1999, ishte nënshkruar edhe kapitullimi i pjesshëm e nuk mund të themi që kjo nuk do të ketë asnjë pasojë.

“Bisedimet në Washington do të mbahen me 3 ose 4 shtator, pasi ekziston mundësia që do të vijë edhe Presidenti Trump. Nuk po shkojmë atje për piknik e biseda të lehta, shqiptarët nuk duan të flasin për ekonominë. Për ne nuk është problem të flasim për çfarëdo. Nëse na ofrojnë të pranojmë Kosovën në këmbim të integrimeve euro-atlantike, jo faleminderit. Jam i gatshëm, i përgatitur e gjatë gjithë jetës luftoj, gjithsesi do të jetë vështirë.

Comment here