Drenica News

Lajmet e fundit nga rajoni dhe bota!

Lajme

Zemaj flet për fillimin e vitit të ri shkollor, por nuk tregon nëse mësimi do të nis në shkolla

Ministri i Shëndetësisë, Armend Zemaj, ka takuar sot anëtarët e Bordit Këshillëdhënës për Luftën Kundër Covid19, me prof. Dr. Lul Rakën kryesues, ku thotë se analizuan gjendjen e krijuar nga pandemia.


Ai thotë se në këtë takim u prezantuan faktet shkencore, opinionet dhe propozimet se si të reagohet në javët në vijim për të menaxhuar dhe parandaluar përhapjen e virusit.

Zemaj thotë se vendimet do të jenë të bazuara sipas këshillave të profesionistëve, pasi jemi në prag të fillimit të vitit të ri shkollor, shkruan Reporteri.net.

Postimi i tij:

Në takimin me anëtarët e Bordit Këshillëdhënës për Luftën Kundër Covid19, me prof. Dr. Lul Rakën kryesues, analizuam gjendjen e krijuar nga pandemia, u prezantuan faktet shkencore, opinionet dhe propozimet se si të reagohet në javët në vijim për të menaxhuar dhe parandaluar përhapjen e virusit.

Sikurse biseduam për realizimin e këshillave të dhëna nga ky bord. Jemi në prag të fillimit të vitit të ri shkollor, andaj të gjitha vendimet tona do te jenë të bazuara sipas këshillave të profesionistëve.

Në takim folëm hollësisht për sfidat me të cilat po përballemi, shtrirjen komunitare të covid19, numrin e të infektuarve, mbingarkesat spitalore dhe të personelit shëndetësor, infeksionet brenda spitalore dhe brenda koorporatave e agjensionëve të ndryshme, presionet nga sektori i ekonomisë, etj.

Bordi ofroi disa rekomandime të masave dhe politikave për adresimin dhe zvogëlimin e pasojave afatmesme dhe afatgjata të Covid19.

#QeveriaHoti

Në takimin me anëtarët e Bordit Këshillëdhënës për Luftën Kundër Covid19, me prof. Dr. Lul Rakën kryesues,…

Posted by Armend Zemaj on Tuesday, August 18, 2020

Comment here